სამშენებლო კომპანია #ელემენტკონსტრაქშენი #ცოდნისკაფეს პროგრამის #ბუთქემფი გენერალური პარტნიორი გახდა, რითაც 160-ზე მეტი ახალგაზრდის სამეწარმეო იდეის განხორციელებას შეუწყო ხელი.
კომპანიაში აცხადებენ, რომ თანამშრომლობის მიზანი, ცოდნის კაფეს აშენების გარდა, სწორედ ახალგაზრდა მეწარმეების მხარდაჭერა იყო. „ბუთქემფი“ იმ თინეიჯერებისთვისაა, რომლებსაც სურთ განვითარება, აინტერესებთ ბიზნესი, მარკეტინგი, ადამიანის უფლებები და სურთ, წვლილი შეიტანონ ამ მნიშვნელოვანი სივრცის აშენებაში.
ზუსტად ასეთი პრიორიტეტები და საერთო ფასეულობებია, ,,ცოდნის კაფესა“ და „ელემენტ კონსტრაქშენის“ მეგობრობის მთავარი მიზეზი. კომპანია აქტიურად უჭერს მხარს ,,ცოდნის კაფეს“ მშენებლობას და სხვადასხვა დროს, გვერდით უდგას მის მნიშვნელოვან წამოწყებებს. ამის მაგალითია 2020 წლის 6 ივნისი – „ელემენტ კონსტრაქშენის“ დაბადების დღე, რომელიც კომპანიამ ქიზიყელი ახალგაზრდების დღესასწაულად აქცია და 15 წარმატებული მოსწავლე, რომლებიც COVID 19-ით გამოწვეული დისტანციური სწავლების პროცესში ჩართვას ტექნიკური რესურსის არქონის გამო ვერ ახერხებდა, პლანშეტური კომპიუტერებით დაასაჩუქრა.
„ელემენტ კონსტრაქშენის“სახელს, ბოლო პერიოდში საქართველოში განხორციელებული არაერთი ცნობილი ინდუსტრიული პროექტი უკავშირდება. კომპანიის ანგარიშზე უამრავი საინტერესო ობიექტი და სერვისია, რომელთა წარმატების საფუძველი, კომპანიის სწორი პრინციპები და ღირებულებებია.